Alappuzha
വീട്ടമ്മമാർക്ക് മത്സര പരീക്ഷാ പരിശീലനം നൽകി
ആലപ്പുഴ: മാവേലിക്കര- തെക്കേക്കര ഗ്രാമപഞ്ചായത്ത് അഭ്യസ്ത വിദ്യരായ വീട്ടമ്മമാർക്ക് നൽകുന മത്സര പരീക്ഷാ പരിശീലനം ഗ്രാമപഞ്ചായത്ത് പ്രസിഡന്റ് ഡോ.കെ.മോഹൻകുമാർ ഉദ്ഘാടനം ചെയ്തു. 2023-24 വർഷത്തെ വാർഷിക പദ്ധതിയിൽ ഉൾപ്പെടുത്തിയാണ് പരിശീലനം.
ചടങ്ങിൽ ക്ഷേമകാര്യ സ്റ്റാന്റിംഗ് കമ്മിറ്റി ചെയർപേഴ്സൺ ജയശ്രീ ശിവരാമൻ, ആരോഗ്യ വിദ്യാഭ്യാസ സ്റ്റാന്റിംഗ് കമ്മിറ്റി ചെയർമാൻ രാധാകൃഷ്ണൻ, ഗ്രാമപഞ്ചായത്ത് അംഗങ്ങളായ ശ്രീകല, വരേണിക്കൽ, യു.പി. സ്കൂൾ ഹെഡ് മാസ്റ്റർ ഓമനക്കുട്ടൻ തുടങ്ങിയവർ പങ്കെടുത്തു.