Thiruvananthapuram
നവകേരള സദസ്സ് : കാട്ടാക്കടയിൽ വനിതകളുടെ ഓലമെടയൽ മത്സരവും വടം വലിയും
നവകേരള സദസ്സിനോടനുബന്ധിച്ച് കാട്ടാക്കട നിയോജക മണ്ഡലത്തിൽ സംഘടിപ്പിച്ച വനിതകളുടെ ഓലമെടയൽ മത്സരവും വടം വലി മത്സരവും ഐ.ബി സതീഷ് എം.എൽ.എ ഉദ്ഘാടനം ചെയ്തു. മാറനല്ലൂർ ഗ്രാമപഞ്ചായത്ത് പ്രസിഡന്റ് എ.സുരേഷ് കുമാർ, പള്ളിച്ചൽ ഗ്രാമ പഞ്ചായത്ത് പ്രസിഡന്റ് റ്റി.മല്ലിക, ഡെപ്യൂട്ടി കളക്ടർ ഷീജ ബീഗം എന്നിവരും സന്നിഹിതരായിരുന്നു. നവകേരള സദസ്സിന്റെ പ്രചാരണാർത്ഥം തയ്യാറാക്കിയ കാട്ടാൽ കേക്കിന്റെ ഉദ്ഘാടനവും ഐ ബി സതീഷ് എം.എൽ.എ നിർവഹിച്ചു. ഡിസംബർ 22ന് മൂന്ന് മണിക്ക് കാട്ടാക്കട ക്രിസ്ത്യൻ കോളേജിലാണ് മുഖ്യമന്ത്രി പിണറായി വിജയനും മന്ത്രിമാരും പങ്കെടുക്കുന്ന നവകേരള സദസ്സ് നിശ്ചയിച്ചിരിക്കുന്നത്.