കോട്ടയം: പരിയാരം ഗവൺമെന്റ് സ്‌കൂളിലൊരുക്കിയ വർണ്ണക്കൂടാരവും മാതൃക പ്രീ പ്രൈമറി സ്‌കൂളും നാടിനു സമർപ്പിച്ചു. സ്‌കൂൾ അങ്കണത്തിൽ നടന്ന ചടങ്ങിൽ സർക്കാർ ചീഫ് വിപ്പ് ഡോ. എൻ. ജയരാജ്് ഉദ്ഘാടനം നിർവഹിച്ചു. പുതുപ്പള്ളി ഗ്രാമപഞ്ചായത്ത് പ്രസിഡന്റ് പൊന്നമ്മ ചന്ദ്രൻ അധ്യക്ഷത വഹിച്ചു. ജില്ലാ പഞ്ചായത്തംഗം നിബു ജോൺ, പുതുപ്പള്ളി ഗ്രാമപഞ്ചായത്ത് വൈസ് പ്രസിഡന്റ് പ്രമോദ് കുര്യാക്കോസ്, ഗ്രാമപഞ്ചായത്ത് സ്ഥിരംസമിതി അധ്യക്ഷരായ വത്സമ്മ മാണി, ശാന്തമ്മ തോമസ്, ശാന്തമ്മ ഫിലിപ്പോസ്, പഞ്ചായത്തംഗം സിജി മാത്യു, എസ്.എസ്.കെ. പദ്ധതി ജില്ലാ പ്രോഗ്രാം കോ- ഓർഡിനേറ്റർ കെ.ജെ. പ്രസാദ്, എസ്.എസ്.കെ ജില്ലാ പ്രോഗ്രാം ഓഫീസർ ആശാ ജോർജ്, കോട്ടയം ഈസ്റ്റ് എ.ഇ.ഒ. സീനിയർ സൂപ്രണ്ട് ടി.ഡി. ജയകുമാർ, രാഷ്ട്രീയ പാർട്ടി പ്രതിനിധികളായ സാം കെ. വർക്കി, പി. സുനിൽ കുമാർ , പി.ടി.എ പ്രസിഡന്റ് ജോബി മാത്യു, ഹെഡ്മിസ്ട്രസ് റീനാ മന്മഥൻ എന്നിവർ പ്രസംഗിച്ചു.
