പട്ടികവര്‍ഗ വികസന വകുപ്പിലെ കണ്ണൂര്‍ ഐ ടി ഡി പി ഓഫീസ് പരിധിയിലുള്ള എസ് ടി/ ഹെല്‍ത്ത് പ്രമോട്ടര്‍ നിയമനത്തിന് അപേക്ഷ സമര്‍പ്പിച്ചവര്‍ക്കുള്ള കൂടിക്കാഴ്ച നവംബര്‍ 13 മുതല്‍ നടക്കും.
ഇരിട്ടി, പേരാവൂര്‍ ട്രൈബല്‍ എക്സ്റ്റന്‍ഷന്‍ ഓഫീസ് പരിധിയിലുള്ളവര്‍ക്ക് നവംബര്‍ 13നും തളിപ്പറമ്പ്, കൂത്തുപറമ്പ് ട്രൈബല്‍ എക്സ്റ്റന്‍ഷന്‍ ഓഫീസ് പരിധിയിലുള്ളവര്‍ക്ക് നവംബര്‍ 14നും രാവിലെ 9.30 മുതല്‍ കലക്ടറേറ്റ് ഓഡിറ്റോറിയത്തിലും ആറളം ടി ആര്‍ ഡി എം പരിധിയിലുള്ളവര്‍ക്ക് 15ന് രാവിലെ 9.30 മുതല്‍ കണ്ണൂര്‍ ഐ ടി ഡി പി ഓഫീസിലുമാണ് കൂടിക്കാഴ്ച. അപേക്ഷകര്‍ ഇന്റര്‍വ്യൂ കാര്‍ഡ്, ജനനതീയതി, ജാതി, വിദ്യാഭ്യാസ യോഗ്യത, പ്രവൃത്തി പരിചയം എന്നിവ തെളിയിക്കുന്ന അസ്സല്‍ സര്‍ട്ടിഫിക്കറ്റുകള്‍ സഹിതം ഹാജരാകണം. ഫോണ്‍: 0497 2700357.
