കോട്ടയം: മത്സ്യത്തൊഴിലാളി സ്ത്രീകളുടെ സമഗ്രവികസനത്തിനും ശാക്തീകരണത്തിനുമായി ഫിഷറീസ് വകുപ്പിന് കീഴിൽ പ്രവർത്തിക്കുന്ന സൊസൈറ്റി ഫോർ അസിസ്റ്റൻസ് ടു ഫിഷർ വുമൺ (സാഫ്) തീരമൈത്രി പദ്ധതിയിൽ മിഷൻ കോ-ഓർഡിനേറ്ററെ നിയമിക്കുന്നു. കരാർ നിയമനമാണ്. എം.എസ്.ഡബ്ല്യൂ. (കമ്മ്യൂണിറ്റി ഡെവലപ്‌മെന്റ്) / എം.ബി.എ. (മാർക്കറ്റിംഗ്) ആണ് യോഗ്യത. താത്പര്യമുള്ളവർ നവംബർ ആറിന് രാവിലെ 10ന് ബന്ധപ്പെട്ട രേഖകളും പകർപ്പുകളും സഹിതം കാരാപ്പുഴയിലുള്ള ഫിഷറീസ് ഡെപ്യൂട്ടി ഡയറക്ടറുടെ ഓഫീസിൽ ഹാജരാകണം. ഫോൺ: 0481 2566823.
