ലോക്‌സഭാ തെരഞ്ഞെടുപ്പുമായി ബന്ധപ്പെട്ട് സാമൂഹ്യ മാധ്യമങ്ങളില്‍ നിര്‍മിതബുദ്ധി ഉപയോഗിച്ചുള്ള തെറ്റായപ്രചരണങ്ങള്‍ പാടില്ലെന്ന് ജില്ലാ തിരഞ്ഞെടുപ്പ് ഓഫീസര്‍ കൂടിയായ ജില്ലാ കലക്ടര്‍ എന്‍. ദേവിദാസ്. 2024 ലോക്‌സഭ തിരഞ്ഞെടുപ്പ് ചിലവ് നിയന്ത്രിക്കുന്നതിനുള്ള റേറ്റ് ചാര്‍ട്ട് അംഗീകരിക്കുന്നതിന് ചേമ്പറില്‍ ചേര്‍ന്ന രാഷ്ട്രീയപാര്‍ട്ടികളുടെ യോഗത്തില്‍ അധ്യക്ഷനായിരുന്നു.
ഗൃഹകേന്ദ്രീകൃത വോട്ടിംഗ് സംവിധാനത്തില്‍ ഭിന്നശേഷിക്കാര്‍, 85 വയസ്സിന് മുകളില്‍ പ്രായമുള്ളവര്‍ക്കും വോട്ട് ചെയ്യാം. ഇവരില്‍ അന്ധതയോ ശാരീരികഅവശതയോ കാരണം ഏതെങ്കിലും ഇലക്ടര്‍ക്ക് വോട്ട്‌ചെയ്യാന്‍ കഴിയുന്നില്ലെങ്കില്‍, വോട്ടുചെയ്യുന്നതിന് പ്രായപൂര്‍ത്തിയായ ഏതെങ്കിലും വ്യക്തിയുടെ സഹായം സ്വീകരിക്കാന്‍ അനുവദിക്കും. ഇലക്ടറെ പ്രതിനിധീകരിച്ച് താന്‍ രേഖപ്പെടുത്തിയ വോട്ട് താന്‍ രഹസ്യമായി സൂക്ഷിക്കുമെന്നും മറ്റ് ഇലക്ടറുടെ കൂട്ടാളിയായി താന്‍ ഇതുവരെ പ്രവര്‍ത്തിച്ചിട്ടില്ലെന്നും ഒപ്പമുള്ളയാള്‍ ഡിക്ലറേഷന്‍ നല്‍കണം. പോള്‍ ഓഫീസര്‍മാര്‍ അത്തരം രേഖ സൂക്ഷിക്കും.
