പ്രധാനവേദിയിലെ ക്യാന്‍വാസില്‍ ജില്ലയെ പകര്‍ത്തിയിരിക്കുകയാണ് ചിത്രകലാ അധ്യാപകര്‍(ആര്‍ട്ട് എഡ്യൂക്കേഷന്‍ ടീച്ചേഴ്‌സ് ). കഥകളി(കൊട്ടാരക്കര), ജഡായുപാറ (ചടയമംഗലം) , കശുവണ്ടി, വള്ളംകളി, ക്ലോക്ക് ടവര്‍, തങ്കശ്ശേരി വിളക്കുമാടം, ചീനവല തുടങ്ങി കൊല്ലത്തിന്റെ സവിശേഷതകള്‍ വിളിച്ചോതുന്ന ഫ്രീ ഹാന്‍ഡ് സ്‌കെച്ചുകളാണ് ക്യാന്‍വാസിലുള്ളത്. കൊല്ലം വിദ്യാഭ്യാസ ഉപഡയറക് ടര്‍ കെ ഐ ലാലിന്റെ നേതൃത്വത്തിലാണ് അധ്യാപക സംഘം കലാവിരുന്നൊരുക്കിയത്. കൊല്ലം, കൊട്ടാരക്കര, പുനലൂര്‍എന്നീ ഡി ഇ ഒ യുടെ കീഴിലുള്ള സ്‌കൂളുകളിലെ ചിത്രരചന അധ്യാപകര്‍ പങ്കാളികളായി. ഇളമ്പള്ളൂര്‍ എസ് എന്‍ എസ് എം എച്ച് എസ്എസിലെ ശരത്, വെണ്ടാര്‍ എസ് വി എംഎം എച്ച്എസ്എസിലെ അജിലാല്‍, ഈസ്റ്റ് കല്ലട ഇ വി എച്ച് എസ് ആന്റ് വിഎച്ച്എസ്എസിലെ ഹരിശങ്കര്‍ , കല്ലട സി വി കെ എം എച്ച് എസ് എസിലെ ഹരികുമാര്‍, ചിതറ എസ് എന്‍ എച്ച് എസിലെ ദിലീപ് കുമാര്‍ എന്നീ ചിത്രകല അധ്യാപകരാണ് നേതൃത്വം നല്‍കുന്നത്. കേരള കലോത്സവത്തിന്റെ ലോഗോ ഉള്‍പ്പെടെയുള്ള ചിത്രങ്ങളും ചുവരെഴുത്തുകളും കാഴ്ച്ചക്കാരില്‍ ദൃശ്യവിരുന്നായി.
