വിവിധ സംസ്ഥാനങ്ങളില്‍ നിന്നുള്ള സംരംഭകര്‍ക്കായി ഡിസംബറില്‍ എറണാകുളത്ത് സംഘടിപ്പിക്കുന്ന സരസ് മേളയ്ക്ക് തീം സോങിന് രചനകള്‍ ക്ഷണിച്ചു. രചനകള്‍ സംരംഭകത്വം, വിപണി, വൈവിധ്യങ്ങള്‍, കല, സംസ്‌കാരം, സ്ത്രീശാക്തീകരണം, കൂട്ടായ്മ എന്നിവ പ്രതിഫലിപ്പിക്കുന്നതും നാല് മിനിറ്റ് ദൈര്‍ഘ്യമുള്ളതും ഏതൊരാള്‍ക്കും ആലപിക്കാന്‍ സാധിക്കുന്നതും കാവ്യ – സംഗീതഭംഗി തുളുമ്പുന്നതുമായിരിക്കണം. രചനകള്‍ ജില്ലാമിഷന്‍ കോ ഓഡിനേറ്റര്‍, കുടുംബശ്രീ മിഷന്‍, സിവില്‍ സ്റ്റേഷന്‍, രണ്ടാം നില, കാക്കനാട്, 682030 എന്ന വിലാസത്തില്‍ ഒക്ടോബര്‍ 15 നകം സമര്‍പ്പിക്കണം. ഫോണ്‍ : 0484 2424038
