വിദ്യാഭ്യാസ ധനസഹായം: അപേക്ഷ 31 വരെ
കേരള കയര് തൊഴിലാളി ക്ഷേമനിധി ബോര്ഡില് അംഗത്വമുള്ള തൊഴിലാളികളുടെ മക്കള്ക്ക് 2023-24 വര്ഷത്തെ ഡിഗ്രി, പ്രൊഫഷണല് കോഴ്സുകളിലേക്കുള്ള വിദ്യാഭ്യാസ ധനസഹായത്തിന് ജനുവരി 31 വരെ അപേക്ഷിക്കാം. കയര് തൊഴിലാളി ക്ഷേമനിധിയില് അംഗത്വമെടുത്ത് 2023 മെയ് 31ന് രണ്ട് വര്ഷം പൂര്ത്തീകരിച്ച, കുടിശ്ശിക കൂടാതെ വിഹിതം അടച്ചുവരുന്ന തൊഴിലാളികളുടെ മക്കള്ക്കാണ് ധനസഹായത്തിന് അര്ഹത. കേരളത്തിലെ ഗവ അംഗീകൃത സ്ഥാപനങ്ങളില് സര്ക്കാര് അംഗീകൃത ഫുള്ടൈം കോഴ്സുകളില് ഡിഗ്രി, പി.ജി, പ്രൊഫഷണല് കോഴ്സുകള്, പോളിടെക്നിക്ക് എന്ജിനീയറിങ്, മെഡിസിന്, അഗ്രികള്ച്ചര്, നേഴ്സിങ്, പാരാമെഡിക്കല് കോഴ്സുകളില് ഉപരിപഠനം നടത്തുന്നതിനാണ് ധനസഹായം. വിദ്യാഭ്യാസ സ്ഥാപന മേധാവി സാക്ഷ്യപ്പെടുത്തി നല്കുന്ന അപേക്ഷ ഫോറങ്ങള് കയര് തൊഴിലാളി ക്ഷേമനിധി ബോര്ഡിന്റെ എല്ലാ ഓഫീസുകളിലും ജനുവരി 31 വരെ സ്വീകരിക്കുമെന്ന് ചീഫ് എക്സിക്യൂട്ടീവ് ഓഫീസര് അറിയിച്ചു.