കേരള നോളജ് ഇക്കണോമി മിഷൻ (കെകെഇഎം) ജനുവരി 20നു രാവിലെ 10.00 മുതൽ ഉച്ചയ്ക്ക് 1.00 വരെ വെർച്വൽ സ്‌കിൽ ഫെയർ സംഘടിപ്പിക്കുന്നു. കേരളത്തിലെ യുവജനങ്ങളെ ശാക്തീകരിക്കാനും ഭാവി ജോലിക്ക് ആവശ്യമായ തൊഴിൽവൈദഗ്ധ്യം പരിചയപ്പെടുത്തുവാനും ലക്ഷ്യമിട്ടുള്ള ഈ ഓൺലൈൻ പ്രോഗ്രാമിൽ കെകെഇഎം വഴി നൽകുന്ന നൈപുണ്യ പരിശീലന പ്രോഗ്രാമുകൾ, സ്‌കോളർഷിപ്പ് സ്‌കീമുകൾ, അനുബന്ധ പ്ലെയ്സ്മെന്റ് അവസരങ്ങൾ എന്നിവ പ്രദർശിപ്പിക്കും. അതിവേഗം വികസിച്ചുകൊണ്ടിരിക്കുന്ന ജോലിയുടെ സ്വഭാവത്തെക്കുറിച്ചും നൈപുണ്യത്തിന്റെ പ്രാധാന്യത്തെക്കുറിച്ചും കേരളത്തിലെ യുവജനങ്ങളിൽ അവബോധം വളർത്താനും ഈ പ്രോഗ്രാം ലക്ഷ്യം വയ്ക്കുന്നു.
കോളജ് വിദ്യാർത്ഥികൾ, തൊഴിലന്വേഷകർ, നിലവിൽ ജോലി ചെയ്യുന്നവർ, പ്രൊഫഷണലുകൾ കൂടാതെ താൽപ്പര്യമുള്ള ഏതൊരു വ്യക്തിക്കും ഈ പ്രോഗ്രാമിൽ പങ്കെടുക്കാം. അതിനായി https://zoom.us/meeting/register/tJwpd-yvrTsqGtc8RqOiRX6FSaBo0S6rLtxg എന്ന ലിങ്കിൽ രജിസ്റ്റർ ചെയ്യാം.
