THRISSUR
നീന്തൽ പരിശീലനം ആരംഭിച്ചു
ശ്രീനാരായണപുരം ഗ്രാമപഞ്ചായത്തിൽ ഹൈസ്കൂൾ വിദ്യാർത്ഥികൾക്കായി നീന്തൽ പരിശീലനം ആരംഭിച്ചു. ഗ്രാമ പഞ്ചായത്ത് പ്രസിഡന്റ് എം. എസ് മോഹനൻ ഉദ്ഘാടനം നിർവഹിച്ചു.
തുടർച്ചയായ ഏഴ് വർഷങ്ങളിലായി പോഴങ്കാവ് പഞ്ചായത്ത് കുളത്തിലാണ് പരിശീലനം നൽകുന്നത്. 2023-24 വാർഷിക പദ്ധതിയിൽ ഉൾപ്പെടുത്തി ഈ വർഷം 100 വിദ്യാർത്ഥികൾക്കാണ് പരിശീലനം നൽകും. ആൺ കുട്ടികൾക്കും പെൺകുട്ടികൾക്കുമായി രണ്ടാഴ്ച നീണ്ടു നിൽക്കുന്ന പരിശീലനത്തിനു ശേഷം സർട്ടിഫിക്കറ്റ് വിതരണവും നടത്തും.
വികസനകാര്യം ചെയർമാൻ കെ എ അയൂബ് അധ്യക്ഷനായി. വാർഡ് മെമ്പർമാരായ കെ ആർ രാജേഷ്, ഇബ്രാഹിം കുട്ടി, ടി എസ് ശീതൾ, ജിബിമോൾ, സി എസ് സുബീഷ്, എംഇഎസ് എച്ച് എസ് എസ് കായിക അധ്യാപകൻ റഷീദ്, നീന്തൽ പരിശീലകൻ ഹരിലാൽ തുടങ്ങിയവർ സംസാരിച്ചു.